Perfectum uyali aloqa operatori to‘liq xususiylashtirildi. Bunga tahlilchi Timurmalik Elmuradov e’tibor qaratdi.
![](/static/2024/03/15/photo_2024-03-15_15-42-25-xLC400eK.jpg)
Korxona va tashkilotlarning yagona davlat reyestri ma’lumotlariga ko‘ra, Rubicon Wireless Communication MCHJ hozirda 100 foiz tadbirkor Abdumalik Valijanovich Iminovga tegishli. Kompaniya rahbari — Dmitry Shukov.
Perfectum’dagi davlat ulushi xususiylashtirilishi haqida 2020-yilda ma’lum qilingandi. Bu haqda prezidentning “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar to‘g‘risida”gi farmonida belgilangandi.
O‘sha payt kompaniyaning 65 foiz ulushi davlatga, qolgan qismi esa Amis Protrade International’ga tegishli edi.
2023-yil 12-dekabrdan kompaniya nomi Rubicon Wireless Communication MCHJga o‘zgartirilgan. 2023-yil yakuni bo‘yicha ushbu kompaniya aylanmasi 85,5 milliard so‘mni tashkil etgan, 22,4 milliard so‘m soliq to‘lagan.
Perfectum aksiyalarini sotish haqidagi xabarlar ochiq manbalarda keltirilmagan.