Toshkent viloyatidagi metan gaz quyish shoxobchasida fuqarolar navbat talashgani ortidan katta janjal sodir bo‘lgani yuzasidan maʼlumot berilgandi.
Holat 26-fevral kuni Yuqori Chirchiq tumani hududida joylashgan metan zapravkada sodir bo‘lgan. Vafot etgan fuqarolar yo‘qligi maʼlum qilingan. Biroq ayrim ijtimoiy tarmoqlarda ushbu janjal oqibatida bir yigit vafot etgani haqida xabarlar tarqaldi.
Viloyat IIBB mazkur xabar yolg‘on ekanini taʼkidlab, video eʼlon qildi. Videoda yigit hozirda ahvoli yaxshi ekanini aytib, yolg‘on xabarlar tarqatmaslikni so‘ragan.
“Zapravkadagi holat ko‘rsatilgan videodagi bola menman. Meni o‘ldi deb tarqatib yuborishibdi. Lekin hamma joyim sog‘. Hammasi yaxshi. Unaqa video tarqatmasligingizni iltimos qilaman”, — deydi u.
Izoh (1)
газ заправларни очингизлар шунда хаммаси яхши булади