Kecha, 27-fevral kuni Nodirbek Abdusattorov Prague Chess Festival 2024 turnirining 1-turida Dai Van Nguyen ustidan g‘alaba qozondi. U hozirgacha hech qaysi o‘zbek shaxmatchisi qila olmagan ishni uddaladi.
Nodirbek yangilangan dunyo shaxmat reyting jadvalida top-10 likka chiqib oldi. Uning reytingi bugungi g‘alabadan keyin 2753.5 ga yetdi va 5 karra jahon chempioni Vishvanatan Anandni ortda qoldirdi. Bungacha o‘zbek shaxmatidagi eng yaxshi natija Rustam Qosimjonovga tegishli bo‘lib, u 2715 ochko bilan jahon reytingida 11-o‘rinda qayd etilgan edi.
Nodirbek Abdusattorov bugun turnirning ikkinchi turida Vidit Gujratiga qarshi dona suradi.
Chexiyaning Praga shahrida o‘tkazilayotgan nufuzli turnirda 7-martgacha davom etadi. Turnir mukofot puli e’lon qilinmagan.
Ushbu reyting onlayn jadval bo‘lib, hech qanday rasmiy maqomga ega emas. Rasmiy reyting FIDE tomonidan har oyning boshida e’lon qilinadi. Agar Nodirbek Abdusattorov kecha, 27-fevral kuni start olgan Prague Chess Festival turnirida fevral so‘nggigacha muvaffaqiyatli qatnashsa, FIDE rasmiy reytingida nafaqat TOP-10 da qoladi, balki yanada yuqoriroq o‘rinlarga ko‘tarilishi va rasman tarixda qolishi mumkin.
Izoh (0)