“Mehridaryo” loyihasiga Andijon viloyati Qo‘rg‘ontepa tumanida yashovchi Kamola Rahimberdiyeva murojaat qilib, Hindistonda jarrohlik amaliyotiga tayyorlanayotgan turmush o‘rtog‘i Jasurbek Yo‘lbarsov uchun xalqdan yordam so‘radi.
— Turmush o‘rtog‘im ikki yildan buyon oqqondan davolanayotgandi. Ammo O‘zbekistonda qilingan muolajalar natija bermadi. Kun sayin kasallik ichki organlarga ham tarqab ketyapti. Shu bois, uni Hindistonga olib borishga majbur bo‘ldik. Ikki oydan buyon Dehli shahridagi klinikada davolanyapti. Avvaliga men qaradim, bir yarim yoshli qizim ichikib, kasal bo‘lib qolgani uchun O‘zbekistonga qaytishga majbur bo‘ldim. Hozir turmush o‘rtog‘imga qaynonam qaramoqda. Kimyo terapiya muolajalarini oldi, operatsiya 25-fevralga belgilangan.
Jarrohlik amaliyoti 50 ming AQSH dollariga o‘tkaziladi, bizda 35 ming dollar bor. Yana 15 ming dollar kerak. Agar bu pulni 25-fevralga qadar Hindistonga jo‘natmasak, operatsiya yana ortga suriladi.
Turmush o‘rtog‘im xalqdan yordam so‘rashimga qarshi bo‘ldi. Ammo nima qilay, qo‘limdan boshqa ish kelmaydi. Bolalarim yetim qolishini istamayman. Yaxshi insonlar, turmush o‘rtog‘imning jarrohlik amaliyoti uchun qo‘lingizdan kelgancha yordam bering, iltimos, — deydi bemorning turmush o‘rtog‘i Kamola Rahimberdiyeva.
Jasurbek Yo‘lbarsovga xayriya qilishni istasangiz,
5614 6818 1635 2649
9860 1601 0290 7567
(Raximberdiyeva Kamola)
Murojaat uchun: +998 94) 431 62 64
Izoh (0)