O‘zbekistonda 2024-yilda paxtadagi kabi g‘allada ham imtiyozli kreditni to‘g‘ridan to‘g‘ri fermerga berish tizimi joriy qilinadi. Bu haqda Shavkat Mirziyoyev raisligida agrar sohadagi ustuvor vazifalar va rejalarga bag‘ishlangan yig‘ilishda ma’lum qilindi.
Yig‘ilishda 2023-yilda g‘alla hosili ilk bor 8 million tonnaga yetgani ma’lum qilindi. Fermerlar manfaatdorligini yanada oshirish uchun bu yil g‘allachilikda ham yangiliklar qilinishi ta’kidlandi.
Paxtadagi kabi g‘allada ham imtiyozli kreditni to‘g‘ridan to‘g‘ri fermerga berish tizimi joriy qilinadi. Bundan tashqari, davlat resursi uchun xarid qilingan bug‘doyni daladan tashib kelish va saqlash xarajati 2024-yilda ham to‘liq budjetdan qoplanadi.
2024-yilgi paxta va g‘alla hosili uchun budjetdan 10 trillion so‘mdan ortiq imtiyozli resurs ajratildi.
Klaster, fermer va dehqonlar imtiyozli kredit olishini osonlashtirish maqsadida ochiq-oshkora platforma ishga tushdi.
Izoh (0)