O‘zbekistonlik futbolchi Ibrohimxalil Yo‘ldoshev Qozog‘iston Premyer Ligasining eng qimmat transferlar top-5 ligidan joy oldi.
Yanvar oyida “Nijniy Novgorod”dan “Qayrat” jamoasiga ijara asosida o‘tgan Ibrohimxalil ro‘yxatda 3-o‘rinni egallab turibdi.
22 yoshli futbolchi o‘tgan mavsum Rossiya klubi safida 6 ta o‘yinda maydonga tushgan. Yo‘ldoshev Qozonning “Rubin” jamoasidan bo‘lgan qiziqishlarga qaramasdan, Qozog‘iston klubini tanladi va 2024-yil oxiriga qadar “Qayrat” sharafini himoya qiladigan bo‘ldi. Uning Transfermarkt ma’lumotlariga ko‘ra, transfer qiymati 800 ming yevroni tashkil etadi.
Qozog‘iston chempionatiga yanvar oyida tashrif buyurgan eng qimmat futbolchilar top-5 ligi:
1. Gabi Kiki (“Aktobe”) — 1 million yevro;
2. Radoslav Tsonev (“Tobol”) — 900 ming yevro;
3. Ibrohimxalil Yo‘ldoshev (“Qayrat”) — 800 ming yevro;
4. Ivan Miladinovich (“Tobol”) — 700 ming yevro;
5. Ahmad El Messaudi (Tobol) — 500 ming yevro.
Izoh (0)