O‘zbekistonda aholining elektromobillarga o‘tishini rag‘batlantirish tizimi joriy qilinadi

O‘zbekistonda aholining elektromobillarga o‘tishini rag‘batlantirish tizimi joriy qilinadi. Bu haqda Shavkat Mirziyoyev raisligidagi videoselektor yig‘ilishida ma’lum qilindi.

Tahlillarga ko‘ra, tirbandliklar ham havoning tozaligiga salbiy ta’sir ko‘rsatyapti. Chunki harakatdagi avtomobilga qaraganda tirbandlikda turganlari havoni ko‘proq ifloslantiradi. Shu sababli jamoat transportini rivojlantirish borasidagi ishlar yanada jadallashtiriladi.

Endilikda avtobuslar xarid qilishda ularning yo‘lovchi sig‘imiga ko‘proq e’tibor qaratish kerakligi ta’kidlandi. Shuningdek, metro vagonlari sonini oshirish bo‘yicha amaliy choralar ham tezlashtiriladi.

“Yashil energetika”ni qo‘llab-quvvatlash, ekologik muammolarning oldini olish va zararli oqibatlarni kamaytirish maqsadida aholini elektromobillarga o‘tishini rag‘batlantirish tizimi joriy qilinadi.