O‘zbekiston hech kimga qaram bo‘lmaydigan iqtisodni rivojlantirishga qaratilgan mustaqil siyosat olib bormoqda. Bu haqda bugun, 19-yanvar kuni bo‘lib o‘tgan Senatning qirq to‘qqizinchi yalpi majlisida Oliy Majlis Senati raisi Tanzila Norboyeva aytib o‘tdi.
Bugungi murakkab davrda mamlakatimizda mustahkam, barqaror va hech kimga qaram bo‘lmaydigan iqtisodni rivojlantirishga qaratilgan tom ma’nodagi mustaqil siyosat olib borilmoqda.
Davlatimiz rahbari boshchiligida amalga oshirilayotgan bu ishlar xalqimiz tomonidan to‘liq qo‘llab-quvvatlanayotganining guvohi bo‘lmoqdamiz.
Bunday sharoitda barchamiz jipslashishimiz, xalqimizni hayotdan rozi bo‘lib yashashi uchun yakdillik bilan, samarali mehnat qilishimiz har qachongidan muhimroq hisoblanadi, — dedi Senat raisi.
Qurolli kuchlar oliy bosh qo‘mondoni Shavkat Mirziyoyev raisligida 12-yanvar kuni Xavfsizlik kengashining Qurolli kuchlar va harbiy-ma’muriy sektorlarning 2023-yildagi faoliyati yakunlari va yaqin istiqbolga mo‘ljallangan vazifalar muhokamasiga bag‘ishlangan kengaytirilgan yig‘ilishida globallashuv jarayonlari hamda odamlar, ayniqsa, yosh avlodning qalbi va ongi uchun kurash kuchayib borayotgan hozirgi o‘ta murakkab sharoitda harbiy-vatanparvarlik ruhidagi tarbiyaning o‘rni va ahamiyati tobora ortib borayotgani ta’kidlangan edi.
Izoh (0)