Odam savdosi jinoyatini sodir etganlikda ayblanib, qidiruvda bo‘lgan o‘zbekistonlik ikki ayol Istanbulda ushlandi. Bu haqda Bosh konsulxona axborot xizmati xabar berdi.
Ular 2018-yildan buyon O‘zbekiston IIV tomonidan qidiruvda bo‘lgan, 1985-yilda tug‘ilgan Dilnoza Umarova va 2017-yildan buyon O‘zbekiston IIV tomonidan qidiruvda bo‘lgan, 1983-yilda tug‘ilgan Mavludaxon Ulmasova bo‘lib, Turkiya va O‘zbekiston Ichki ishlar vazirliklari hamkorligida o‘tkazilgan navbatdagi tezkor tadbir davomida 10-yanvar kuni qo‘lga olingan.
Ushbu shaxslarning xatti-harakatlaridan jabr ko‘rgan fuqarolardan O‘zbekistonning Istanbul shahridagi Bosh konsulxonasiga yoki O‘zbekiston IIVga murojaat qilish so‘raldi.
Xabarda aytilishicha, jinoyat uchun jazo muqarrarligini ta’minlash maqsadida Turkiya hududida hamkorlikdagi tezkor-qidiruv tadbirlari tizimli ravishda davom ettiriladi.
Bundan avval xalq orasida “Madam Klod” taxallusi bilan tanilgan, odam savdosi jinoyatini sodir etganlikda ayblanib, qidiruvda bo‘lgan Nilufar Mirxanova ushlangandi.
Izoh (0)