S&P Global Ratings reyting agentligi tahlilchilari “Kapitalbank” ATB va uning keng hududiy filiallar tarmog‘ining yuqori brend darajasida tan olinishi, shuningdek, bankning chakana biznesga e’tibor qaratayotgani va uning mamlakat moliya tizimi uchun ahamiyatli ekanini ta’kidladi.
Mutaxassislar bankdan kichik va o‘rta biznes hamda chakana mijozlarga xizmat ko‘rsatishga ixtisoslashgan mamlakatning eng yirik xususiy banki sifatida mustahkam bozor mavqeini saqlab qolishi, shu bilan birga hududlarda sezilarli mavqega ega bo‘lishi, taniqli brend darajasini saqlab qolishni kutmoqda.
Ushbu omillar, shuningdek, xatarlarni malakali boshqarish, yuqori operatsion samaradorlik va xizmatlarni faol raqamlashtirish “Kapitalbank” ATBga daromad olish hamda biznesini kengaytirish bo‘yicha yuqori qobiliyatni saqlab qolish imkonini beradi.
“Biz uchun nafaqat mamlakatimizning barcha hududlaridan kelgan xususiy foydalanuvchilar va tadbirkorlar uchun qulay bank xizmatlarini taqdim etish, balki jadal o‘sish sharoitida bankning ishonchliligi va barqarorligini ta’minlash ham muhimdir.
Xalqaro ekspertlar to‘g‘ri ta’kidlab o‘tganlaridek, kichik va o‘rta biznesni qo‘llab-quvvatlash, shuningdek, bank mahsulotlarini jadal raqamlashtirish bizga ulkan maqsadlarga erishish, mijozlarga eng qulay va sifatli xizmat ko‘rsatish imkonini beradi”, — deydi “Kapitalbank” ATB boshqaruvi raisi Kirill Mayevskiy.
Bugungi kunda “Kapitalbank”ATB aktivlar bo‘yicha mamlakatning eng yirik xususiy banki bo‘lib, bank mijozlari 1,6 milliondan ortiq jismoniy shaxslar va 50 mingdan ortiq tadbirkorlarni o‘z ichiga oladi. Mamlakatimizning barcha hududlarida 100 dan ortiq bank filiallari faoliyat yuritmoqda.
“Kapitalbank” ATB mamlakatimizda birinchilardan bo‘lib bankomatlar tarmog‘ini modernizatsiya qildi, bugungi kunda bankning barcha bankomatlari milliy va xalqaro to‘lov tizimlaridagi kartalarni qabul qiladi.
S&P Global Ratings haqida
S&P Global Ratings global moliyaviy, xom-ashyo va avtomobil sanoati bozorlariga faoliyat yurituvchi tashkilotlarga kredit reytinglari, etalon ko‘rsatkichlari, tadqiqot va biznes yechimlarini taqdim etuvchi yetakchi xalqaro kompaniya hidoblanuvchi S&P Global (NYSE: SPGI) tarkibiga kiradi.
S&P Global tomonidan taqdim etilayotgan mahsulot va xizmatlar ko‘plab yetakchi xalqaro kompaniyalarga iqtisodiy holatlarni yo‘lga qo‘yish va kelajakni ishonch bilan rejalashtirishda yordam beradi.
Reklama huquqi asosida
Izoh (0)