Shunday filmlar borki, ular ekranga chiqishi bilan real hayotdagi baʼzi bir tendensiyalarni o‘zgartirib yuboradi. Quyida shunday filmlar haqida hikoya qilamiz.
“Forsaj”
Hozirga kelib, film fizika va mantiq qonunlarini buzayotgan bo‘lsa, 2000-yillarning boshida esa ko‘cha poygalariga qaratilgan juda oddiy film edi. The New York Times maʼlumotiga ko‘ra, Montgomeri okrugida 2012—2017-yillarda premyerasi bo‘lgan uchta qismidan so‘ng tezlikni oshirish va jarimalar soni keskin oshgan. Shu bilan bog‘liq Montgomeri okrugidagi 200 mingga yaqin jarimalar o‘rganib chiqilgan. “Forsaj-6”, “Forsaj-7,“ va “Forsaj-8” premyeralaridan so‘ng jarimalar soni boshqa vaqtdagiga qaraganda 20 foizga oshgan. Jarimalarning aksariyati kinoteatrlar atrofida sodir etilganligi maʼlum bo‘ldi.
“Uyda yolg‘iz”
“Uyda yolg‘iz” filmida Kevin Makkallister Budget yuk mashinasida sayohat qilayotgan orkestr guruhi bilan uyga qaytadi. Maʼlum bo‘lishicha, yuk mashinasini tanlash tasodif emas bu reklama bo‘lib, u haqidagi maʼlumotlar film chiqqanidan ko‘p o‘tmay maʼlum bo‘ldi. Reklama bo‘yicha menejer Jorj Simkovskining so‘zlariga ko‘ra, film premyerasidan keyin Budget yuk mashinalarining sotuvi karrasiga ortgan.
“Rim taʼtillari”
“Rim taʼtillari” filmi Odri Xepbyorn uchun omadli bo‘ldi, Gregori Pek tufayli uning ismi Pekniki bilan bir qatordan joy oldi. O‘sha paytda Gollivudda aktyorlar titrlarga katta eʼtibor bergan va ularning ismlari qayerda turishi ahamiyat kasb etgan. Odri “Rim taʼtillari” filmida bosh rolni ijro qilganiga qaramay, uning nomi Gregori Pekdan pastroqda turishi kerak edi. Agenti orqali bu haqida eshitgan aktyor adolatni tiklaydi, chunki u Odrini juda yaxshi ko‘rgan.
Xepbyorn va Pek “Rim taʼtillari” filmida romantik qahramonlar obrazini ijro etib bergan. Ayniqsa, Vesta mototsiklida olingan sahnalar juda ajoyib chiqqan. Kinokartinagacha ham Vesta ancha-muncha taniqli bo‘lgan, lekin film premyerasidan keyin ularning savdosi rekordlarni yangilagan.
“Qasoskorlar. Intiho”
“Qasoskorlar. Intiho” filmida oddiy kiyimlardan boshlanib, qimmat mashinalar bilan yakunlanadigan reklamalar bisyor. Tasvirga olish jarayoni tugagandan so‘ng, aktyorlarning bir qismi uyga, baʼzilari boshqa kartinada suratga tushishga ketadi. Kutilmaganda hamma qo‘shimcha sahnani suratga olishga chaqirilgan, unda qahramonlar qandaydir kafeda jimgina shaurma yeydi. Nyu-Yorkdagi turli muassasa egalarining taʼkidlashicha, premyeradan so‘ng hech qachon shaurma isteʼmol qilmagan juda ko‘plab insonlar tamaddixonaga kelishni boshlagan. Ro Ro‘s Chicken boshqaruvchisining maʼlumotlariga ko‘ra, film namoyishidan keyin ularning yemakxonasida shaurma savdosi 80 foizga oshgan.
“101 ta dalmatin”
1986-yilda “101 dalmatin” filmini tomosha qilgandan so‘ng insonlar ommaviy ravishda dalmatin itlarini boqib olgan, lekin ko‘p o‘tmay itlardan voz kechgan. Dalmatinlar insonlar bilan do‘stlasha oladi, lekin shu bilan birga juda tajovuzkor hisoblanadi. Ular yosh bolalar bilan unchalik ham yaxshi munosabatda bo‘lmaydi va juda faoldir. Aftidan, film ijodkorlari buni bilgan, shuning uchun ular filmda dalmatinlarni yovuz hayvon sifatida tasvirlagan.
“Vendetta inqilobi”
1605-yilda Londondagi Lordlar palatasini portlatib yuborishi kerak bo‘lgan, ammo qo‘lga olingan inqilobchi Gay Foks Buyuk Britaniyada Gay Foks niqoblari bilan ko‘p yillardan buyon mashhur bo‘lib kelmoqda. Buyuk Britaniyada odamlar Hellouin bayramida va 5-noyabr kuni yaʼni, Gay Foks kunini nishonlaganda Gay Foks niqoblarini taqqan. Niqoblar “Vendetta inqilobi” filmi premyerasidan keyin butun dunyoga mashhur bo‘ldi.
“Mohir mergan”
Harbiy film va seriallarni tomosha qilish tufayli insonda hayotini harbiylik bilan bog‘lash va qahramon bo‘lishga ishtiyoq uyg‘onadi. Amerikaliklar orasida bu tuyg‘uni uyg‘otgan filmlardan biri “Mohir mergan” kartinasi hisoblanadi. Tom Kruz va Val Kilmer ishtirokidagi film tufayli AQSh harbiy-dengiz kuchlari tarkibiga qo‘shilganlarning aniq soni maʼlum emas, lekin 1986 yilda nomzodlarning 90 foizi dengiz flotiga kirishdan oldin aynan shu filmni tomosha qilgan.
Izoh (0)