Toshkent shahar IIBB poytaxtda kriminogen vaziyatni yaxshilash bo‘yicha keng qamrovli tezkor-profilaktik tadbirlar o‘tkazilayotganini ma’lum qildi.
Idoraning ma’lum qilishicha, poytaxt hududida jinoyatlarni oldini olish, huquqbuzarliklar profilaktikasini kuchaytirish va fuqarolar xavfsizligini taʼminlash maqsadida, Toshkent shahar IIBB hamda huquqni muhofaza qiluvchi idoralari tomonidan kriminogen vaziyatni yaxshilash bo‘yicha tezkor-profilaktik tadbirlar o‘tkazilmoqda.
“Hurmatli fuqarolar! Xavfsizlik qoidalariga rioya etishingizni va xavotirga berilmasligingizni so‘raymiz. Barcha harakatlar shahrimizning tinchlik va osoyishtaligini taʼminlash maqsadida o‘tkazilmoqda”, — deyiladi xabarda.
Avvalroq ichki ishlar vaziri Po‘lat Bobojonov to‘qqiz yarim mingga yaqin mahallaning 1,5 mingdan ziyodida kriminogen vaziyat murakkabligicha qolayotgani haqida aytgandi. May oyida sobiq ichki ishlar xodimi, Toshkent shahrida YPX mansabdori lavozimida ishlagan fuqaro ichki ishlar vaziri Po‘lat Bobojonov qabulida bo‘lib, lavozimidan nohaq olinganini, unga nisbatan o‘tkazilgan xizmat tekshiruvi adolatsiz bo‘lganini aytib, ko‘mak so‘ragani to‘g‘risida xabar berilgan edi.
Izoh (0)