Bektemir, Mirzo Ulug‘bek va Sergeli tumanlari hududida elektr ta’minoti vaqtincha o‘chiriladi

Toshkentning ayrim tumanlarida 30-noyabr kuni elektr taʼminoti vaqtincha to‘xtatiladi, deb xabar beradi “Hududiy elektr tarmoqlari” matbuot xizmati.

Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash, elektr tarmoqlaridagi avariyaviy holatlarni oldini olish, kuz-qish mavsumiga puxta tayyorgarlik ko‘rish maqsadida 30-noyabr kuni quyidagi manzillarda elektr taʼminoti vaqtincha o‘chirildi:

• Bektemir tumani — “Gulbog‘” MFYning ayrim hududlarida soat 09:00 dan 17:00 gacha;
• Mirzo Ulug‘bek tumani — “Sho‘rtepa” hamda “Sh.Burxonov” MFYlarining ayrim ko‘chalarida soat 09:00 dan 17:00 gacha;
• Sergeli tumani — “Yuqori Darxon” MFYning ayrim hududlarida 09:00 dan 17:00 gacha.

Taʼmirlash ishlari belgilangan vaqtdan avvalroq yakunlanishi mumkinligi aytilmoqda.

“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.

Avvalroq O‘zbekiston energetika vaziri Jo‘rabek Mirzamahmudov “Daryo” nashriga bergan intervyusida energetika tizimining qish mavsumiga tayyorgarlik jarayonlari, metan zapravkalardagi turnaqator navbatlar, AES qurilishi va toifalangan to‘lovlar hamda ayrim nopok isteʼmolchilar haqida gapirgandi.