Berkshire Hathaway Travel Protection ekspertlari guruhi 2024-yilda tashrif buyurish uchun dunyodagi eng xavfsiz mamlakatlar reytingini tuzdi.
Unga ko‘ra, Kanada Islandiya va Norvegiyani o‘zib ketgan holda reytingda birinchi o‘rinni egalladi.
Qayd etilishicha, tadqiqot doirasida kompaniya ekspertlari so‘nggi besh yil davomida turli mamlakatlarga tashrif buyurgan sayohatchilar o‘rtasida so‘rovnoma o‘tkazgan, shuningdek, Global tinchlik indeksi va AQSH Davlat departamentining sayohat xavfsizligi reytinglari ma’lumotlarini o‘rgangan.
Xususan, Kanada u yerda sodir etilgan zo‘ravonlik jinoyatlarining kamligi tufayli reytingda birinchi o‘rinni egalladi. Mamlakat terroristik tahdidlar, shuningdek, ayol sayohatchilar uchun ham eng xavfsiz deb topildi.
Reytingda ikkinchi o‘rin terrorizm va ayollar uchun dunyodagi eng xavfsiz joylardan biri sifatida tan olingan Shveysariyaga nasib etdi. Norvegiya zo'ravonlik darajasi pastligi tufayli uchinchi o'rinni egalladi.
2024 yilda tashrif buyurish uchun dunyodagi eng xavfsiz 10 ta davlat:
- 1. Kanada
- 2. Shveysariya
- 3. Norvegiya
- 4. Irlandiya
- 5. Niderlandiya
- 6. Buyuk Britaniya
- 7. Portugaliya
- 8. Daniya
- 9. Islandiya
- 10. Avstraliya
Izoh (0)