Eron uchta yadroviy bomba yaratish uchun 60 foizgacha boyitilgan uranning yetarli zaxirasiga ega. Bu haqda MAGATE hisobotiga tayanib, Reuters xabar berdi.
Ikki oy ichida Erondagi uran zaxiralari 6,7 kilogrammga oshdi va ekspertlarning fikricha, hozirda 128,3 kilogrammni tashkil etadi. Bu uran massasining og‘irligidan (taxminan 42 kilogramm) uch baravar ko‘proqdir. MAGATE ma’lumotlariga ko‘ra, bu yadroviy bomba yaratish uchun nazariy jihatdan yetarli.
“Bu juda katta miqdor, ayniqsa, siz uni hech narsa uchun ishlatmasangiz”, — dedi ismini oshkor qilmaslik sharti bilan jurnalistlarga diplomatik manba.
Ta’kidlanishicha, Eron yadroviy qurol ishlab chiqarmasdan uranni yuqori foizli soflikda boyitgan yagona davlatdir. Yadro qurolini yaratishda foydalaniladigan boyitilgan uranning tozaligi taxminan 90 foizni tashkil qiladi. Ammo uranning 60 foiz tozaligi ham juda yuqori ko‘rsatkich.
Shu bilan birga, yil boshidan buyon Eronning uranni boyitish tezligi taxminan uch baravar sekinlashdi, diplomatlarning aytishicha, bu sentyabr oyida ikki davlat o‘rtasida mahbuslar almashinuviga olib kelgan AQSH bilan bilvosita muzokaralar natijasidir.
“Uranni boyitish uchun ishlatilinadigan kaskadlar yoki sentrifugalar klasterlari soni ham o‘zgarishsiz qolgan” — deyiladi hisobotda.
Izoh (0)