Futbol bo‘yicha Yevro—2024 saralashidan o‘rin olgan o‘yinlar 17-oktabr, seshanba kuni bo‘lib o‘tdi.
Angliya Londonda Italiyani qabul qildi. Uchrashuvning 15-daqiqasida Janluka Skamakka mehmonlarni hisobda oldinga olib chiqdi. 32-daqiqada Harri Keyn penaltini aniq amalga oshirib, hisobni tenglashtirdi. Birinchi bo‘lim 1:1 hisobi bilan yakunlandi.
Ikkinchi bo‘limda esa mezbonlar faolroq harakat qildi. 57-daqiqada Markus Reshford o‘z hisobiga gol yozdirib qo‘ydi. 77-daqiqada Keyn dubl muallifiga aylandi. Qolgan daqiqalarda darvozalar ishg‘ol etilmadi va Angliya g‘alaba qozondi.
Qozog‘iston Finlyandiyaga qarshi bahs olib bordi. Uchrashuvning 28-daqiqasida Robert Teylor hisobni ochdi. 77-daqiqada Baxtiyar Zaynutdinov penaltidan unumli foydalanib, muvozanatni tikladi. 89-daqiqada Zaynutdinov dublni rasmiylashtirib, Qozog‘istonning g‘alabasiga hissa qo‘shdi.
Ukraina Malta ustidan 3:1 hisobida g‘alaba qozondi. Daniya safarda San-Marino ustidan 2:1 hisobida zafar quchdi.
Yevro—2024 saralashi
8-tur bahslari
17-oktabr, seshanba
Angliya – Italiya 3:1
Gollar: 0:1 – 15 Skamakka, 1:1 – 32 Keyn (penalti), 2:1 – 57 Reshford, 3:1 – 77 Keyn.
Angliya: Pikford, Uoker, Maguayr, Stounz (Gexi, 63), Trippyer, Fillips (Henderson, 70), Rays, Foden, Bellinghem (Grilish, 85), Keyn, Reshford.
Italiya: Donnarumma, Di Lorenso, Acherbi (Bastoni, 63), Skalvini, Udoji (Dimarko, 63), Orsolini, Kristante, Barella, Frattezi, ash-Shaaravi, Berardi (Raspadori, 78), Skamakka (Kin, 63).
Ogohlantirishlar: Fillips (9), Udoji (10), Di Lorenso (30), Skalvini (65).
Finlyandiya – Qozog‘iston 1:2
Gollar: 1:0 – 28 Teylor, 1:1 – 77 Zaynutdinov (penalti), 1:2 – 89 Zaynutdinov.
Malta – Ukraina 1:3
Gollar: 1:0 – 12 Mbong, 1:1 – 38 Kamenzuli (avotogol), 1:2 – 43 Dovbik (penalti), 1:3 – 85 Mudrik.
San-Marino – Daniya 1:2
Gollar: 0:1 – 42 Heylund, 1:1 – 61 Golinuchchi, 1:2 – 70 Poulsen.
Izoh (0)