Zinedin Zidan, Alessandro del Pyero va Mario Manjukich. “Yuventus” afsonalari o‘rtasida o‘rtoqlik o‘yini o‘tkazildi (video)

Turinning “Yuventus” klubiga Anyellilar oilasi egalik qilayotganining 100 yilligi munosabati bilan afsonalar o‘rtasida o‘rtoqlik o‘yini bo‘lib o‘tdi.

Uchrashuv Turindagi “Pala Alpitur” arenasida bo‘lib o‘tdi. Retro o‘yin “Yuventus” afsonalari o‘rtasida 7 ga 7 formatda o‘tkazildi. Massimiliano Allegri boshchiligidagi “Yuventus”ning hozirgi tarkibi esa tomoshabin sifatida ishtirok etdi.

“Oqlar” tarkibida Anjelo Perutsi, Moreno Torrichelli, Andrea Barzalyi, Mark Yuliano, Klaudio Markizio, Zinedin Zidan va Alessandro Matri ishtirok etdi; zaxirada esa Antonio Konte va Paolo Montero bor edi. Bosh murabbiy esa Mishel Platini. 

“Qoralar” safida Marko Storari, Anjelo di Livio, Chiro Ferrara, Patris Evra, Edgar Davids, Mario Manjukich va Alessandro del Pyero to‘p surdi; zaxiradan Massimo Karrera va Fabrisio Ravanelli joy olgan. Bu jamoaga Janluka Pessotto va Marchello Lippi murabbiylik qildi. 

Uchrashuv “oqlar”ning 9:6 hisobidagi g‘alabasi bilan yakunlandi.