Italiyaning Venetsiya provinsiyasida yo‘lovchi avtobusi halokatga uchrashi oqibatida kamida 21 kishi halok bo‘ldi, yana 40 kishi jarohat oldi, deb xabar bermoqda Ansa axborot agentligi.
Voqea 3-oktyabr kuni kechqurun Venetsiyaning materik kvartalidagi Mestre shahrida sodir bo‘lgan. Avtobus yo‘l o‘tkazgich bo‘ylab harakatlanayotganda, panjarani buzib o‘tib, o‘n metr balandlikdan temiryo‘l relslari yoniga qulagan — qulash davomida temiryo‘l ustida tortilgan elektr simlarga urilgan.
Ansa ma’lumotlariga ko‘ra, avtobus metanda harakatlangan, shuning uchun u zarbadan so‘ng darhol yonib ketgan.
Avtobus sayyohlarni Venetsiyadan Margeradagi lagerga olib ketayotgandi.
Hodisa tufayli Mestre va Venetsiya o‘rtasidagi poyezdlar harakati to‘xtatildi.
Shahar meri Luiji Brunyaro voqeani katta fojia deb atadi va shaharda motam e’lon qildi. Italiya prezidenti va bosh vaziri Serjio Mattarella va Jorja Meloni hamdardlik bildirdi.
Izoh (0)