Bosh prokurorning buyrug‘iga asosan Sobir Qurbonov Buxoro shahri prokurori lavozimiga tayinlandi. Bu haqda Buxoro viloyati hokimligi matbuot xizmati xabar berdi.
Sobir Qurbonov ushbu lavozimga tayinlangunga qadar Peshku tumani prokurori lavozimida ishlagan.
Bunga qadar Buxoro shahar prokurori lavozimida Ibrohim Rasulov faoliyat yuritib kelayotgan edi. U bosh prokurorning buyrug‘iga asosan Yoqilg‘i-energetika sohasida qonunchilik ijrosi ustidan nazorat boshqarmasi boshlig‘i lavozimiga tayinlangan.
Avgust boshlarida O‘zbekiston prezidentining tegishli farmoniga asosan adliya katta maslahatchisi Sherzod To‘xtaboyev bosh prokurorning o‘rinbosari lavozimiga tayinlangan edi. Undan oldin bosh prokurorning buyrug‘iga asosan adliya katta maslahatchisi Ikrom Narimov transport prokurori etib, shuningdek, Andijon, Namangan va Samarqand viloyatlariga yangi prokurorlar tayinlangani to‘g‘risida xabar berilgandi. Avgust boshlarida Andijon viloyati prokurori Sirojiddin Eshquvvatov Toshkent viloyati prokurori lavozimiga tayinlangandi.
Izoh (0)