Futbol bo‘yicha Osiyo o‘yinlari doirasida O‘zbekiston Olimpiya terma jamoasi 1-oktabr, yakshanba kuni Saudiya Arabistoniga qarshi maydonga tushdi.
Uchrashuvning 24-daqiqasida Saidazamat Mirsaidov ajoyib kombinatsiyani golga aylantirdi va hisobni ochdi. 44-daqiqada esa Vladimir Nazarovning uzatmasidan so‘ng Alisher Odilov uzoqdan ochiq darvozani aniq nishonga oldi.
Ikkinchi bo‘limda saudiyaliklar hisobni qisqartirdi. 65-daqiqada Muhammad Marran o‘z hisobiga gol yozdirib qo‘ydi. Qolgan daqiqalarda darvozalar ishg‘ol etilmadi va O‘zbekiston OTJ g‘alaba qozondi.
Shu tariqa Timur Kapadze shogirdlari yarim final yo‘llanmasiga ega chiqdi.
Osiyo o‘yinlari
1-oktabr, yakshanba
O‘zbekiston – Saudiya Arabistoni 2:1
Gollar: 1:0 — 24 Saidazamat Mirsaidov, 2:0 — 44 Alisher Odilov, 2:1 — 65 Muhammad Marran.
O‘zbekiston - 12. Vladimir Nazarov, 2. Saidazamat Mirsaidov (Ruslanbek Jiyanov, 78), 5. Muhammadqodir Hamraliyev, 8. Behzod Shamsiyev (Mahmudjon Mahamadjonov, 67), 10. Jasurbek Jaloliddinov (Otabek Jo‘raqo‘ziyev, 87), 14. Ibrohimhalil Yo‘ldoshev, 16. Asadbek Rahimjonov, 17. Abdurauf Bo‘riyev, 18. Alibek Davronov, 19. Husayn Norchayev (Sherzod Esanov, 87), 22. Alisher Odilov.
Saudiya Arabistoni: 21. Ahmad Fahad Al Jubaya, 2. Muhammad Vahib Abu Alshamat, 4. Rayan Muhammad Hamed, 5. Muhammad Alyami, 12. Zakariya Xavsavi, 8. Faysal Al Gamdi, 10. Saad Fahad Alnassr, 11. Ahmad Mazen Algamdi, 14. Avad Xaydar Alnashri, 18. Musab Aljuvayr, 16. Muhammad Marran.
Ogohlantirishlar: Abdurauf Bo‘riev (15), Ahmad Fahad Al Jubaya (41), Abdulloh Hadi Radif (S53) 53, Mahmud Mahamadjonov (90+3).
Chetlatish: Abdulloh Radif (90+4).
Izoh (0)