Aleksandr Lukashenko “Fuqarolik dronlarini davlat ro‘yxatidan o‘tkazish va ulardan foydalanish to‘g‘risida”gi farmonni imzoladi, unga ko‘ra Belarus fuqarolariga dronlarni olib kirish, saqlash, sotish, ishlab chiqarish va ulardan foydalanish taqiqlanadi.
Fuqarolik dronlaridan har qanday maqsadda foydalanishga faqat tashkilotlar va yuridik shaxslarning “tadbirkorlik va kasbiy faoliyati” uchun ruxsat etiladi. Buning uchun ular Belarus Transport vazirligining Aviatsiya boshqarmasidan ruxsat olishi kerak.
Farmonda uchuvchisiz uchoqlarning davlat hisobini yuritish tizimini yaratish nazarda tutilgan.
Belarus aholisi o‘zlariga tegishli bo‘lgan dronlarni olti oy ichida tashkilotlarga sotishi yoki ularni “hukumat tomonidan belgilangan vakolatli tashkilot”ga saqlash uchun topshirishi kerak. Gap aynan qaysi tashkilot haqida ketayotgani noma’lum.
Avvalroq Lukashenko qishda O‘zbekistonga tashrif buyurishni rejalashtirayotgani haqida xabar berilgandi. Lukashenko prezident Shavkat Mirziyoyev uni O‘zbekistonga taklif qilayotganini aytgan.
Izoh (0)