Ukraina Davlat tili standartlari milliy komissiyasi “Rossiya Federatsiyasi”, “Rossiya”, “Moskva”, “Moskoviya”, “Moskva qirolligi”, “Rossiya imperiyasi”, “Rossiya Federatsiyasi Davlat Dumasi” kabi nomlarni kichik harflar bilan yozish norasmiy matnlarda ukrain tili me’yorlaridan chetga chiqish hisoblanmasligini ma’lum qildi. Bu haqda “Ukraina yangiliklari” axborot agentligi xabar berdi.
Ushbu masalani muhokama qilishda komissiya Ukraina tili instituti va Ukraina Milliy Fanlar akademiyasiga qarashli A. A. Potebnya nomidagi Tilshunoslik institutiga murojaat qilgan.
Komissiya bu bayonotni Ukraina bosh vaziri o‘rinbosari Irina Vereshchuk 8-sentabr kuni Rossiya va uning rahbarlari nomi imlosini rasman o‘zgartirishga chaqirganidan so‘ng berdi. 20-sentabr kuni Ukraina ta’lim va fan vaziri Oksen Lisovoy buyruqni imzoladi, unga ko‘ra rasmiy hujjatlarda “Rossiya Federatsiyasi” nomi doimgidek katta harflar bilan yozilishi kerak. Vazir buni norma talablari bilan izohladi.
Ma’lumot uchun, 2022-yil fevral oyida Rossiyaning Ukrainaga keng ko‘lamli bosqini boshlanganidan so‘ng, ko‘plab ukrainalik siyosatchilar, amaldorlar va jurnalistlar “Rossiya”, “Rossiya Federatsiyasi”, shuningdek, “Putin” nomlarini kichik harf bilan deb yozishni boshlagan.
Izoh (0)