Shavkat Mirziyoyev 22-sentabr kuni Turkmaniston prezidenti Serdar Berdimuhamedov bilan telefon orqali muloqot qilib, uni tavallud kuni bilan tabrikladi.
.jpg)
Prezident matbuot xizmatining xabar qilishicha, davlat rahbari unga katta muvaffaqiyatlar, qardosh turkman xalqiga farovonlik va ravnaq tiladi.
Ikki tomonlama munosabatlar va mintaqaviy hamkorlikning dolzarb masalalari ko‘rib chiqildi. Konstruktiv siyosiy muloqot va samarali idoralararo aloqalar rivojlanib borayotgani mamnuniyat bilan qayd etildi. O‘zaro savdo hajmi oshib bormoqda, Xorazm—Toshovuz chegaraoldi savdo zonasini tashkil etish loyihasi birgalikda amalga oshirilmoqda. Energetika va transport sohalaridagi kooperatsiya mustahkamlanmoqda. Oktabr oyida Toshkentda Turkmaniston madaniyati kunlari o‘tkaziladi.
Suhbat davomida O‘zbekiston va Turkmaniston prezidentlari Markaziy Osiyoda o‘zaro manfaatli hamkorlikni, shu jumladan amaldagi ko‘p tomonlama formatlar doirasida kengaytirish masalalari yuzasidan fikr almashdi.
Telefon muloqoti yakunida davlat rahbari Turkmaniston prezidenti va xalqini bo‘lajak Mustaqillik kuni bilan ham tabrikladi.
Izoh (0)