Qirol Abdulla va qirolicha Raniyaning to‘ng‘ich o‘g‘li shahzoda Husayn oila qurdi. Uning tanlangani Rajva ismli yoqimtoy qiz edi. U ikkinchi Keyt Middlton deb ataladi va qaynonasi bilan solishtiriladi. Quyida Iordaniyaning bo‘lajak qirolichasi Rajva Al Saif haqida ma’lumot beriladi.
Ikki xalq va ikki davlat ittifoqi
2023-yil yozining birinchi kuni Iordaniya qirollik oilasi uchun muhim voqea bo‘ldi – Abdulla va Raniyaning to‘ng‘ich o‘g‘li Husayn bo‘ydoqlik bilan xayrlashib, turmush qurdi. Uning rafiqasi Saudiya Arabistonidan bo‘lgan Rajva Al-Saif ismli go‘zal qiz edi.
Valiahd shahzoda Husaynning to‘yi nafaqat yilning, balki butun o‘n yillikning muhim voqeasi edi. Marosim ko‘lami bo‘yicha shahzoda Uilyam va Keyt Middltonning to‘yi bilan taqqoslanadi. Uels shahzodasi va malikaning to‘y marosimi 2010-yillardagi asosiy marosimga aylangan bo‘lsa, Husayn va Rajvaning to‘yi yigirmanchi yillarning muhim voqealaridan biri bo‘ldi.
Iordaniya qirollik oilasi boy tarix va kuchli an’analarga ega. Bu Iordaniya jamiyatining bir qismi sifatida nihoyatda muhim va jahon sahnasida katta rol o‘ynaydi. Shuningdek, qirol oilasining Hoshimiylar sulolasidan kelib chiqqan nasl-nasabga ega bo‘lishi ham muhim, bu esa uni tarixiy ahamiyatga ega qiladi.
Rajva nafaqat saudiyalik badavlat tadbirkorning oilasida voyaga yetgan, balki onasi tomondan uning Saudiya qirollik oilasi bilan aloqasi bor. Saudiya Arabistoni va Iordaniyaning xalqaro munosabatlarda biroz qiyinchiliklarga duch kelganligi sababli, Husayn va Rajva ittifoqi ham siyosiy xususiyatga ega bo‘lib, ikki davlat va qirollik uylari o‘rtasidagi aloqani mustahkamlashi mumkinligi ko‘zda tutilgan.
Yil to‘yi va Iordaniya tarixidagi yangi davr
To‘yning hashamatliligi ko‘pchilikni hayratda qoldirdi: mamlakatning bo‘lajak rahbari turmush qurdi. Butun mamlakat saroy ahli bilan birga bayram qildi. Shu kun dam olish kuni deb e’lon qilindi. Marosim juftlik musulmon bo‘lsa ham masjidda emas, balki poytaxt Ammandagi Zahran saroyida bo‘lib o‘tdi.
An’anaga ko‘ra, kelin-kuyovlar qilichli arka ostida yurdi, musiqa yangradi va nog‘oralar gumburladi.
To‘yga 1700 dan ortiq mehmonlar, jumladan, butun dunyodan qirollik oilalari a’zolari taklif qilingan. Ular orasida Buyuk Britaniyaning bo‘lajak qiroli shahzoda Uilyam rafiqasi malika Ketrin, malika Beatris va uning turmush o‘rtog‘i Edoardo Mapelli-Mozzi, Niderlandiyaning qirollik juftligi Villem-Aleksandr va Maksima, Ispaniyaning sobiq qiroli Xuan Karlos 1 go‘zal rafiqasi Sofiya, Shvetsiya valiahd malikasi Viktoriya va shahzoda Daniel, valiahd shahzoda Frederik, Belgiya qiroli Filipp qizi Elizabet va boshqalar bor edi.
Kelin o‘z go‘zalligi bilan marosimga tashrif buyurgan qirollik malikalaridan ajralib turgan. Bir qarashda uning bo‘lajak qirolicha ekanini tushunib olish mumkin edi. Shahzoda sevgilisidan ko‘zini uzmagan, bir zumda barcha shubhalar yo‘qolgan va juftlik o‘rtasida haqiqiy muhabbat borligi ma’lum bo‘lgan.
Muhokamalarning asosiy mavzusi Rajvaning libosi edi. Juftlik 2 xil kiyimda ko‘rinish bergan.
Ko‘pchilik juftlikdan musulmon madaniyatini aks ettiradigan an’anaviy liboslarni kutishgan. Biroq Rajva zamonaviylik va islomiy unsurlarni mohirona uyg‘unlashtirgan holda G‘arb uslubiga tayanishga qaror qildi.
To‘y marosimi uchun bo‘lajak qirolning rafiqasi juda g‘ayrioddiy modelni tanladi. U dunyoga mashhur livanlik dizayner Elie Saabning fil suyagi rangidagi libosini kiygan. Bu dizaynerni aristokratlar va mashhurlar juda hurmat qiladi.
Iordaniyaning navbatdagi malikasi konsorti uchun dizayner begunohlik va hozirgi tendentsiyalarni birlashtirgan juda noodatiy ko‘rinish yaratdi.
Uzun yengli ko‘ylakning kesimi assimetrik bo‘lib, u bir yelkaga qistirilib, bel qismiga yig‘ilgan.
Libos hashamatli, juda mos keladigan shaffof to‘r, tiara va olmos bilan bezatilgan. Kelinning sochi juda oddiy, hech qanday turmaklarsiz yig‘ishtirilgan.
Kelinni kuyovning ukasi shahzoda Hashem manzilga olib bordi va tomoshabinlarning e’tiborini o‘ziga tortdi.
Rajvaning Al-Husayniya saroyidagi ziyofatda kiygan ikkinchi libosi — Dolce & Gabbana’ga tegishli edi. Kiyim katta hajmli kashtalar va qisqa yenglar bilan bezatilgan va obraz qo‘lqoplar bilan to‘ldirilgan.
Iordaniyaning bo‘lajak hukmdorlari Husayn va Rajvaning to‘yidan so‘ng butun dunyo ommaviy axborot vositalari “Shahzoda arxitektorga uylandi” sarlavhalari ostidagi xabarlar bilan to‘ldi. Uning hayoti Zolushkanikiga umuman o‘xshamagan.
Oiladagi eng kenja farzand
Rajva Al-Saif 1994-yilning 28-aprelida Saudiya Arabistoni poytaxtida tug‘ilgan. Uning oilasida besh nafar farzand bor, Rajva eng kichigi. Malikaning ikkita akasi bor.
Iordaniyalik malika Rajva oddiy oiladan chiqqan sodda qiz degan gaplarning barchasi yolg‘on. U badavlat oilada voyaga yetgan: malikaning otasi katta biznesmen, yirik korporatsiya rahbari, uning faoliyati tibbiyot va qurilish sohalarini o‘z ichiga oladi.
Rajvaning otasi ham aristokratlardan, uning ajdodlari orasida Sudeyradagi Al-Attor shahridan bo‘lgan shayxlar bor. Bo‘lajak qirolichaning onasi ham aristokrat, Saudiya Arabistonining hozirgi qiroli Salmon bin Abdulaziz Ol Saud uning amakisi.
Nafaqat chiroyli, balki juda aqlli
Boy oilalarda bo‘lganidek, bo‘lajak malika oilasida bolalarni tarbiyalashga katta e’tibor berildi. Shuning uchun Rajva juda yaxshi universitetlarda o‘qidi. U dastlab Sirakuza universitetida arxitektura bo‘yicha bakalavr darajasini oldi.
U keyinchalik Los-Anjelesdagi moda institutida vizual kommunikatsiyalar bo‘yicha tahsil oldi.
Malika institutni tugatganidan so‘ng, AQShda qoldi va Pattern arxitektura kompaniyasida asosiy mutaxassisligi bo‘yicha ishladi. Biroq bir muncha vaqt o‘tgach, u Amerikani tark etishga qaror qildi va Saudiya Arabistoniga qaytib kelib, dizayn studiyasiga ishga kirdi.
Ko‘zga tashlanadigan qiz
Musulmon mamlakatlaridagi qizlarga bolalikdan vazminlik singdiriladi. Rajva hech qachon hech qanday shubhali voqealarning ishtirokchisiga aylanmagan, ijtimoiy tarmoqlarda malikaning biror-bir provokatsion fotosuratini topib bo‘lmaydi, uning ismi hech qanday mojarolarda keltirilmagan. Biroq bu uning ko‘zga tashlanmaydigan qiz ekanini anglatmaydi.
Malikaning kursdoshlari uning har doim boshqalardan ajralib turganini eslashadi. Masalan, u bitiruv marosimida kumushrang krossovka kiygan. U o‘z oyoq kiyimini bitiruv libosi bilan birlashtirishga qaror qilgan va boshqa talabalarning hech biri bunday qilmagan. Suratda esa malika Rajva boshqalardan ajralib turganini ko‘rish mumkin.
Poliglot
Rajva — aqlli va bilimli qiz. Buning yana bir isboti sifatida malikaning bir nechta tillarda erkin so‘zlasha olishini aytish mumkin. Rajva ona tili arab tilidan tashqari, fransuz va ingliz tillarini yaxshi biladi.
Sportchi
O‘sha paytda uning bo‘lajak qarindoshlari bo‘lajak qirolicha Rajvaning nimaga qiziqishi haqida jamoatchilikka aytib berishdi.
Rajvaning qaynonasi qirolicha Raniya malikani uchinchi qizi sifatida qabul qildi. Ularning o‘rtasidagi munosabatlar yaxshi ekanini suratlardan ham bilib olish mumkin.
Aynan o‘sha paytda qirollik uyi Rajvaning ot bilan tushgan suratini ijtimoiy tarmoqqa joylashtirdi. Bundan bilib olish mumkinki, bo‘lajak qirolicha ot minishni yaxshi ko‘radi.
Malika rasm chizishni va qo‘lda san’at asarlarini yaratish bilan shug‘ullanishni ham yaxshi ko‘radi. Bu sevimli mashg‘ulotlar uni deyarli mukammal qiladi.
Shahzoda bilan uchrashuv
Husayn va Rajvaning sevgi tarixini so‘zlab berayotganda, ularning qanday uchrashganliklarini e’tibordan chetda qoldirib bo‘lmaydi. Jurnalistlar esa bu nuqtani aniqlash uchun juda ko‘p harakat qildi.
Avvaliga ommaviy axborot vositalarida AQShda o‘qish paytida bo‘lishi mumkin bo‘lgan tanishuvlar haqida yozildi. Biroq Husayn Kaliforniyada emas, Vashingtonda, Jorjtaunda o‘qigan.
Husayn yoshligidan taxt vorisi bo‘lishga tayyorlanib, davlat ishlarida faol qatnasha boshlagan. U 2015-yilda BMT Xavfsizlik Kengashi sessiyasiga raislik qilgan eng yosh insonga aylandi. Oradan ikki yil o‘tgach, u BMT Bosh Assambleyasi oldida nutq so‘zladi, biroq juftlikning BMTda uchrashgani dargumon.
Shuningdek, ular juftlikni ota-onalari tanishtirganini yozishdi, biroq bu variant rasman tasdiqlanmagan.
Bir boqishdagi muhabbat hikoyasi emas
Iordaniyalik jurnalistlarning yozishicha, birinchi uchrashuvda Husayn va Rajva o‘rtasida uchqun paydo bo‘lmagan. Ular uchrashishdi, gaplashishdi va faqat o‘zlarining yo‘llaridan borishdi. Juftlik bir-birini eslamadi va har biri o‘z hayotini alohida o‘tkazdi.
Biroq kunlarning birida Husayn badavlat oiladan chiqqan nafis qizni uchratganini esladi, u boshqalardan ajralib turishga muvaffaq bo‘ldi. U malika bilan ko‘rishdi. Bu ularning hikoyasining boshlanishi edi.
Izoh (0)