14-sentabr kuni Moskva yaqinidagi Krasnogorsk shahrida qurilish maydonchasiga yaqin avtoturargohlardan birida O‘zbekiston, Tojikiston va Qirg‘iziston fuqarolari o‘rtasida ommaviy mushtlashuv sodir bo‘ldi. Qayd etilishicha, ular mamlakatlar o‘rtasidagi hududiy da’volar bo‘yicha kelishmovchilikka borgan.
Mash Telegram kanali taʼkidlashicha, mojaroda jami 22 kishi: O‘zbekistondan 13 nafar, Qirg‘izistondan besh nafar, Tojikistondan to‘rt nafar muhojir qatnashgan. Voqea joyiga yetib kelgan politsiya xodimlari mushtashuvga chek qo‘ygan.
188 ming aholiga ega Krasnogorsk shahri Moskva daryosi bo‘yida, Rossiya poytaxtining g‘arbiy chekkasida joylashgan.
Iyun oyi oxirida Rossiyada 300 ga yaqin qirg‘izistonlik va tojikistonlik ishchilar oshxonadagi navbat uchun mushtlashgandi. OAV maʼlumotlariga ko‘ra, janjal kimdir oshxonaga navbatsiz o‘tib ketmoqchi bo‘lgani sabab boshlangan. Tushlikdan so‘ng ishchilar “o‘zaro gaplashib olishga” yig‘ilgan, keyinchalik bu mushtlashuvga aylangan. To‘qqiz kishi jarohatlangan.
Izoh (0)