Rossiya ertami-kechmi sobiq sovet respublikalarining barchasi bilan urishishga majbur bo‘ladi. Davlat Dumasi deputati Yevgeniy Fyodorov shunday fikr bildirdi.
Deputat sobiq sovet respublikalarini “bahsli hududlar”, deb atadi. Uning iddao qilishicha, respublikalarning har biri SSSRdan “noqonuniy ravishda ajralib chiqqan”. Shu sababli ertami-kechmi Rossiya bilan nizoga boradi yoki urushadi.
“Barcha sobiq respublikalar ertami-kechmi Rossiya bilan konfliktga boradi yoki urushadi. Bu nazariya masalasi. Ulardan ba’zilari hozir bunday qilmaydi: Belarus. Gruziya allaqachon urush qilgan, Ukraina (urushyapti). Bu Armanistonga ham to‘liq taalluqli”, — dedi deputat.
Uning qayd etishicha, agar respublikalar diplomatik yo‘l bilan qaytarilsa, harbiy mojarolarning oldini olish mumkin.
“Yagona Rossiya” partiyasidan deputat Yevgeniy Fyodorov o‘tgan yili Litva mustaqilligini tan olish to‘g‘risidagi qarorni bekor qilish tashabbusi bilan chiqqandi. Unga ko‘ra, qaror Litvaning NATOga “a’zoligiga qarshi chiqish imkonini beradi. Fyodorovning fikricha, mustaqillikni tan olish chog‘ida SSSRning “Ittifoq respublikasi chiqishi bilan bog‘liq masalalarni hal qilish tartibi to‘g‘risida”gi qonuni buzilgan, chunki Litvada sovet ittifoqi tarkibidan chiqish haqida referendum o‘tkazilmagan.
Fyodorov avvalgi yillarda ham postsovet respublikalarining mustaqilligini bir necha bor “noqonuniy” deb atagan.
Izoh (3)
Мияси йук , ахмок депутатлар нафакат Узбекистонда балки Россияда хам учраб туриши ачинарли. Шунинг учун хам бунаканги депутатлар билан Давлат оксокланиб ривожланади. Бу коррупциянинг меваси.
rossiyani tarafini oladaganlar borni
"NO QONINIY" chiqgan deyishdan oldin "QONUNIY" kiritish kerak edi. RUSLARNI BUXORODA QILGAN QIRGINI OZI QANDAY DAVLAT EKANLIGINI BILDIRIB TURIBDIKU.
BU DEPUTAT ODDIY (SIGNAL) OGOXLANTIRISH BILAN CHIQDI. AGRESSIV DAVLATDA BITTA ODAM BOLADI ODAMLANI ONGGIGA SINGDIRIB BORADI. OLDINDA SILARNI SHUNDAY JARAYON KUTIB TURIBDI DEGANDAY