Hindistonda eksport bojlari joriy etilishi munosabati bilan piyozning jahon bozoridagi narxlari oshishi mumkin. Bu haqda CNBC xabar berdi.
Hindiston dunyodagi eng yirik piyoz eksportchisi bo‘lib, jahon piyoz savdosining 12 foizdan ortig‘ini tashkil etadi.
Mamlakat ichki bozorida bu sabzavotning narxi oshishi sababli piyozga 40 foizlik eksport bojini joriy qildi. Tahlilchilar fikricha, bu chora global oqibatlarga olib kelishi mumkin.
Yangi soliq ichki xaridlarni taʼminlash va inflyatsiya darajasini pasaytirish maqsadida joriy etilgan. U 19-avgustda e’lon qilingan paytdan boshlab kuchga kirdi va 31-dekabrgacha davom etadi.
Hindistonda piyozning chakana narxlari yiliga taxminan 20 foizga oshib, bir kilogramm uchun o‘rtacha 30,72 rupiyni (taxminan 4 500 so‘m) tashkil etdi.
O‘tgan avgust oyida bir kilogramm piyoz 20,44 rupiy (salkam 3 000 so‘m) bo‘lgan. Narxlarning oshishiga hosil yetishmasligi ta’sir qilgan.
Noqulay ob-havo tufayli Hindistonda pomidor narxi avvalroq 300 foizdan oshgan edi. Iyul oyida Hindiston hukumati ichki talabni qondirish uchun oq guruch eksportini ham taqiqlagan.
Izoh (0)