Mazkur mashhurlarning bolaligi g‘am-tashvishsiz, xotirjamlikda o‘tmagan. Kimdir oxir-oqibat ota-onasini kechiradi, kimdir ularni shaxsiy manfaatda ayblab, o‘zi o‘ylagan hamma narsani aytadi, ba’zilari esa sudga berishgacha borgan.
Bruk Shilds
![](/static/nasiba/photo_2023-08-01_14-43-40.jpg)
Bruk Shildsning onasi karyerasining boshida uning menejeri edi. O‘sha paytdayoq Shildsning jamoatchilikni g‘azablantirgan yetarlicha rollari bor edi. Eng shov-shuvli filmlardan biri “Yoqimtoy bola” filmi bo‘lgan. 12 yoshida Bruk o‘zining yoshidagi Vayolet ismli qiz rolini o‘ynaydi — qizcha fohishaxonada kimoshdi savdosida tovar sifatida sotiladi. Kartinada ochiq sahnalar ham bor edi. Kann kinofestivalida film shov-shuvga sabab bo‘ladi, hatto yosh aktrisaga hujum qilishadi — kimdir uning sochlarini kesishga harakat qiladi. Brukning so‘zlariga ko‘ra, bu uni juda qo‘rqitgan va ruhiy travmaga olib kelgan.
![](/static/nasiba/photo_2023-08-01_14-46-39.jpg)
Ammo Bruk onasini kechiradi. Intervyularda doimo uni himoya qilishga urinadi. 2018-yilda qizlaringizga “Yoqimtoy bola” kabi filmda suratga tushishiga ruxsat berasizmi, degan savolga Bruk bunga rozi bo‘lmasligini tan oladi. Aftidan, Bruk o‘ynagan rolidan unchalik mamnun bo‘lmagan.
Makoley Kalkin
1990-yilda “Uyda yolg‘iz” filmi chiqqanidan keyin yulduzga aylangan Makoley Kalkinning menejeri otasi Kit bo‘lgan. O‘g‘liga nisbatan u juda qattiqqo‘llik qilgan: rollarni kechasi yodlashga majburlagan — Makoley o‘sha paytda atigi 11 yoshda edi. Keyinchalik aktyor otasi shunchaki unga hasad qilganini aytadi: otasi orzu qilgan hamma narsaga o‘g‘li 10 yoshga to‘lmasdanoq erishgandi.
![](/static/nasiba/photo_2023-08-01_14-54-15.jpg)
Makoley 1994-yilda suratga olingan “Boyvachcha Richi” filmidan so‘ng aktyorlik faoliyatini to‘xtatadi va ota-onasiga: “Hammasi tugadi. Umid qilamanki, o‘zingizga kerakli pulni ishlab oldingiz, chunki endi mendan foyda yo‘q”, deydi. Makoley 17 million dollarlik boyligini tasarruf etishlariga yo‘l qo‘ymaslik uchun ota-onasini sudga beradi.
![](/static/nasiba/photo_2023-08-01_14-56-38.jpg)
Dryu Berrimor
Dryu Berrimorning onasi qizi bor-yo‘g‘i 11 oyligida pul ishlashni boshlagan. Aynan shu yoshda Dryu reklama roliklarida rol o‘ynay boshlaydi. Ammo haqiqiy mashhurlik Dryuga yetti yoshida keladi — u “O‘zga sayyoralik” filmida rol o‘ynaydi.
![](/static/nasiba/photo_2023-08-01_14-58-28.jpg)
Qiz atigi to‘qqiz yoshga to‘lganda, onasi uni mashhur Studio 54 klubidagi ziyofatlarga olib boradi, u yerda Dryu birinchi marta noqonuniy moddalarni tatib ko‘radi. 12 yoshida esa aktrisa allaqachon reabilitatsiya markazida edi.
![](/static/nasiba/photo_2023-08-01_15-04-31.jpg)
Ota-onangiz sizni ekspluatatsiya qilayotganini his qilganmisiz, deb so‘rashganida, Dryu shunday javob bergan: “Menimcha, onamning barcha qilganlari haddan oshish edi”.
Judi Garland
“Oz mamlakati sehrgari” filmi yulduzi Judi Garlend rol ijro etganida o‘zini faqat sevimli boladek his qilganini tan oladi — chunki onasi undan mamnun edi. Judi ikki yoshidan sahnaga chiqa boshlaydi. U Minnesota shtatidagi otasi egalik qiladigan kinoteatrda premyera oldidan opalari bilan qo‘shiq kuylaydi va raqsga tushadi. Haqiqiy muammolar oila Gollivudga yaqinroq bo‘lgan Kaliforniyaga ko‘chib o‘tgandan keyin boshlanadi.
![](/static/nasiba/photo_2023-08-01_15-06-07.jpg)
“Oilamizdagi xotirjamlik va quvonch so‘na boshladi. To‘satdan onam biz yulduz bo‘lishimiz kerakligini aytdi. U bizni kerakli odamlar ko‘rishi mumkin bo‘lgan har qanday joyga sudrab olib borardi ”, — deydi Garland.
Teylor Momsen
Teylor Momsen ikki yoshida ota-onasi tufayli Ford Modeling modellik agentligi bilan shartnoma tuzdi. Aktrisa 14 yoshida Momsen IMG Models bilan shartnoma imzoladi. Suratga olish ishlari, muqova uchun fotosessiyalar, qo‘shiqlar yozish — yosh Teylorning hayoti beg‘ubor bolalikdan uzoq edi.
![](/static/nasiba/photo_2023-08-01_15-22-24.jpg)
“Hech kim ikki yoshida ishlashni xohlamaydi, lekin mening boshqa ilojim yo‘q edi. Maktabga bordim, keyin o‘qishni tashladim. Do‘stlarim yo‘q edi. Doim ishlardim va menda haqiqiy hayot yo‘q edi”, — deydi aktrisa.
![](/static/nasiba/photo_2023-08-01_15-25-34.jpg)