Quloq og‘rig‘idan xavotirdamisiz? Ushbu muammo nimaga olib kelishi mumkinligi, nima uchun paydo bo‘lishi va u bilan qanday kurashish kerakligi haqida bilib oling.
Nima uchun og‘riq paydo bo‘ladi?
Odam qulog‘i chakka suyagining tosh qismida joylashgan. Quloqning orqasida bosh suyagining chakka qismini ko‘rishingiz mumkin. Ko‘pincha u yerda og‘riq kuzatiladi va shish paydo bo‘ladi. Muammoning eng keng tarqalgan sabablari quyidagicha:
- O‘rta yoki ichki quloqning yallig‘lanishi (otit). Og‘riqning tabiati pulsatsiyalanuvchi va yetarlicha kuchli bo‘ladi, chunki yallig‘lanish ko‘pincha yiring to‘planishi bilan birga keladi.
- Bu chakka suyagining infeksion yallig‘lanishi.
- Limfa tugunlarining yallig‘lanishi (limfadenit). Shish bilan birga namoyon bo‘ladi.
- Umurtqa pog‘onasi bo‘yin sohasidagi osteoxondroz. Bu holda, og‘riq butun bo‘yin bo‘ylab tarqaladi.
- Trigeminal asabning yallig‘lanishi. Og‘riq quloqqa va yuzning pastki qismiga tarqaladi. Yuz ifodalarida o‘zgarishlar bo‘lishi mumkin.
- Tish og‘rig‘i. Nerv uchlari bir-biri bilan chambarchas bog‘langan. Ta’sirlangan tishdagi og‘riq quloqqa tarqaladi. Ba’zida bu joydagi og‘riq aql tishlarining o‘sishi bilan birga keladi
- Lipoma (xalq orasida “jirovik” nomi bilan tarqalgan) Uning mavjudligi ko‘pincha shish shaklida paydo bo‘ladi. Odatda elastik, zich, yumaloq bo‘lib, kamdan kam hollarda og‘riq bilan birga keladi.
- Quloqqa suv kirishi. Suvga sho‘ng‘ib cho‘milgandan so‘ng suvning ko‘p qismi darhol oqib chiqadi, lekin uning bir qismi qolishi mumkin. Bunday holda noqulaylik quloq ichida ham, uning orqasidagi suyak sohasida ham paydo bo‘ladi.
Quloq orqasidagi suyak og‘riganda nima qilish kerak?
Otolaringolog bilan maslahatlashing, chunki ko‘pincha muammo quloqda bo‘lib chiqadi. Bundan tashqari, nevrolog va stomatolog ko‘rigidan o‘tish tavsiya etiladi.
Shifokor ko‘rsatma bermagan bo‘lsa, issiq kompresslar qo‘llamang. Bu ba'zi kasalliklarni kuchaytirishi mumkin.
Agar quloq orqasidagi suyak og‘riq, shish bilan bezovta qilsa, shifokorga borishni kechiktirmang. Bu qimmatli vaqtni ko‘p talab qilishi va muammodan xalos bo‘lish narxini oshirishi mumkin.
Izoh (0)