Tojikiston prezidenti Emomali Rahmon Saudiya Arabistoniga tashrifi davomida Ka’bani ziyorat qildi. Bu haqda Prezident matbuot xizmati xabar berdi.
Emomali Rahmon “Markaziy Osiyo—Ko‘rfaz arab davlatlari hamkorlik kengashi” formatidagi davlat rahbarlari yig‘ilishi oldidan Makkaga tashrif buyurdi. U haj ziyoratiga mo‘ljallangan maxsus kiyim (ehrom) kiyib, o‘ziga hamroh bo‘lgan delegatsiya a’zolari bilan Ka’bani yetti marta tavof qilib, namoz o‘qidi.
Shundan so‘ng Tojikiston prezidenti Safo va Marva tepaliklariga chiqib, Zamzam qudug‘idan suv ichdi. Rahmon tojik xalqining farovonligi uchun duo qildi. Aytish joizki, u Saudiya Arabistoniga rasmiy va amaliy tashriflar chog‘ida beshinchi marta Makkaga haj ziyoratini amalga oshirmoqda.
Eslatib o‘tamiz, bu yil haj ziyorati 26-iyun kuni boshlangan. Pandemiyadan keyin birinchi marta diniy marosim sanitariya cheklovlarisiz o‘tkazilmoqda.
Saudiya Arabistoni rasmiylari tarixda rekord darajada — 160 mamlakatdan 2,5 million musulmon ziyoratchilarni kutmoqda.
Izoh (0)