“Real” 2022/23-yilgi mavsumni foyda bilan yopdi. Klubning qarzi 216 mln yevroga qisqargan

Madridning “Real”ning klubi 2022/23-yilgi mavsum uchun moliyaviy hisobotini e’lon qildi.

Klub mavsumni 12 million yevro foyda bilan yakunlagan.

Transferlarni inobatga olmaganda daromad 843 million yevroni tashkil qilgan. Klub ilk bor pandemiyagacha bo‘lgan 2018/19-yilgi mavsum daromadidan ko‘proq pul ishladi. O‘shanda “Real” mavsum davomida 757 million yevro ishlab topgandi. Qayd etilishicha, ispan klubining daromadi o‘tgan mavsumga qaraganda 17 foizga ko‘paygan.

Klubning toza qarzi 263 million yevrodan 47 million yevroga qisqargan.

“Real”ning yil davomidagi shaxsiy kapitali 558 million yevroga yetdi. Klubning moliyaviy ahvoli barqaror baholanmoqda.

Shuningdek, hisobotda “Santyago Bernabeu”ni ta’mirlash ishlari reja bo‘yicha ketayotgani qayd etilgan. Asosiy ishlar 2023-yilning oxirigacha tugatilishi aytilgan.