Toshkent viloyatining Bo‘stonliq tumanida tormozi ishlamay qolgan yuk mashinasi 6 ta mashinani urib yubordi. Ijtimoiy tarmoqlarda holat aks etgan video tarqaldi.
Viloyat YHXB matbuot xizmatining xabar berishicha, voqea 18-iyun kuni soat taxminan 18:00 larda 4R10 “Chorbog‘ suv ombori aylanma” avtomobil yo‘lining 82-kilometrida yuz bergan.
Haydovchi J.A. (1986-yilda tug‘ilgan) boshqaruvidagi “MAZ-55160-280-650” yuk mashinasi Toshkent—Chorbog‘ yo‘nalishida harakatlanib ketayotgan vaqtida tormoz tizimi ishdan chiqishi natijasida o‘zi bilan bir yo‘nalishda bo‘lgan 6 ta transport vositasiga (Spark, Matiz, Nexia-3, Kia Sportage D-242 va 2 ta Lacetti) borib urilgan.
YTH oqibatida hech qaysi harakat ishtirokchilari sog‘lig‘iga ziyon yetmagan. Transport vositalari texnik shikastlangan.
Hozirda holat yuzasidan Bo‘stonliq tumani IIB YHXB tomonidan surishtiruv ishlari olib borilmoqda.
Izoh (0)