Afg‘onistonning Balx viloyati markazi Mozori Sharif shahriga chang bo‘roni yopirildi. Shaharda ko‘rish bilan bog‘liq muammolar, jumladan, transport harakatlanishida qiyinchiliklar yuzaga kelmoqda. Bu haqda “Daryo”ning Afg‘onistondagi muxbiri xabar berdi.
Mozori Sharif aholisining so‘zlariga ko‘ra, to‘fon Juzjon viloyatidan o‘tib Balxga yetib borgan va viloyat havosini ifloslantirgan.
Juzjon viloyati markazi Shabirg‘on shahri aholisi ertalab boshlangan bo‘ron hozirgacha davom etayotganini xabar qilmoqda. Hozircha bo‘ron yetkazgan zarar haqida batafsil ma’lumot berilmagan.
Ayni paytda chang bo‘roni Mozori Sharif shahridan Afg‘onistonning shimoliy viloyatlariga, shuningdek, O‘zbekistonning Surxondaryo viloyatiga ko‘chgan.
Izoh (0)