Turk aktrisasi Fahriye Evjen 4-iyun kuni 37 yoshni qarshi oldi. Shu munosabat bilan uning turmush o‘rtog‘i, mashhur aktyor Burak O‘zchivit rafiqasi uchun bayram uyushtirdi va unga ko‘plab qarindoshlari, yaqin do‘stlarini taklif qildi.
Aktyor rafiqasining tug‘ilgan kunida ijtimoiy tarmoqdagi sahifasida unga atab post qoldirdi.
“Sevgilim, yaxshi ham borsan. Umring uzoq bo‘lsin, azizim. Men seni yaxshi ko‘raman, biz seni yaxshi ko‘ramiz”, — deydi aktyor.
Fahriye Evjen iliq so‘zlar uchun turmush o‘rtog‘iga minnatdorchilik bildirdi. Juftlik ziyofatda tushgan oilaviy suratlarini sahifasiga joyladi. Turk kinosi yulduzlari nafaqat kattalar, balki bolalar uchun ham bayram uyushtirdi. Tug‘ilgan kun qo‘g‘irchoq Barbi mavzusiga ishora qilgan. Shuningdek Barbi yozuvi shriftida Fahriyening ismi yozilgan va uy hududi yuzlab pushti sharlar bilan bezatilgan.
Tug‘ilgan kunning kichik mehmonlari uchun an’anaviy yozgi o‘yin-kulgi — animatorlar bilan ko‘pikli bazm uyushtirildi.
Avvalroq Evjen onalik uni qanchalik o‘zgartirgani haqida so‘zlab bergan edi.
“Uning kulgisi dunyodagi eng ajoyib ovoz. Uning hidi men hidlagan eng aql bovar qilmaydigan hid. U kulsa, ichimda gullar ochiladi. Hayot hech qachon bunchalik ma’noga ega bo‘lmagan”, — deydi aktrisa Karan haqida.
Fahriye ham turmush o‘rtog‘ini yaxshi ko‘rishini tan oladi. “Eng muhimi, hayotimda men uchun hamma narsa bo‘lgan inson bor. Uni pul bilan o‘lchab bo‘lmaydi. Burakka bo‘lgan muhabbatim ishimga juda ijobiy ta’sir qiladi. Men u bilan har qanday masala bo‘yicha maslahatlashishni yaxshi ko‘raman, uning fikri va qarorlariga juda ishonaman”, — deydi aktrisa.
Izoh (0)