Ukrainaning “Kelajak instituti” (UIF) hisob-kitoblariga ko‘ra, urush boshlanganidan keyin Ukraina aholisi 2023-yilning may oyi holatiga ko‘ra 37,6 milliondan 29 million kishiga kamaydi.
Ma’lumotlar aks etgan infografika tashkilotning telegram kanalida e’lon qilindi.
Rossiya Ukrainada urush boshlaganidan keyin 20 milliondan ortiq odam mamlakatni tark etgan, shundan 8,6 million ukrainalik vataniga qaytmagan.
Institutning qayd etishicha, hozir mamlakatda istiqomat qilayotgan 29 million kishidan atigi 9,1-9,5 million ukrainaliklar ishlaydi.
“Agar davlat xodimlari ushbu ro‘yxatdan chiqarilsa, 6-7 millionga yaqin odam qoladi. Ular boshqalarni - 22-23 million kishini, jumladan, nafaqaxo‘rlar, bolalar, talabalar, ishsizlar, parvarishga muhtojlar, davlat sektori xodimlarini yelkasida ko‘tarib turgan jamoadir", - deyiladi xabarda.
Izoh (0)