Rossiya prezidenti Vladimir Putinning rejasida Rim papasining Rossiya-Ukraina mojarosini hal qilish bo‘yicha elchisi vazifasini bajaruvchi kardinal Matteo Zuppi bilan uchrashuv hozircha yo‘q. Bu haqda davlat rahbari matbuot kotibi Dmitriy Peskov ma’lum qildi.

“Hozir bunday reja yo‘q. Agar paydo bo‘lsa, biz sizga xabar beramiz”, — dedi Dmitriy Peskov prezidentning pontifikning maxsus vakili bilan uchrashuv o‘tkazish rejalari haqidagi savolga javob berar ekan.

Bugun erta tongda Butunjahon qadim e'tiqod egalari ittifoqi raisi Leonid Sevastyanov kardinalning Kiyevdan keyin Moskvaga borish rejalari haqida ma’lum qilgan edi. Xabar berilishicha, Matteo Zuppi 5-6-iyun kunlari Ukraina poytaxtiga kelib, mahalliy hokimiyat bilan mojaroni hal qilish yo‘llarini muhokama qiladi.