Iordan daryosining g‘arbiy sohilida isroillik va falastinliklar o‘rtasida to‘qnashuvlar sodir bo‘ldi. 59 nafar falastinlik va 3 nafar isroillik inson yaralandi, deb xabar bermoqda The Times of Israel.
Nashrning yozishicha, “Xomesh” postida isroilliklar qo‘shni Falastinning Burka qishlog‘i aholisiga niqob kiygan holda hujum qilgan. The Times of Israel voqea aks etgan videoni chop etdi. Mojaro tomonlari bir-birini to‘qnashuvlarni keltirib chiqarishda aybladi.
Isroil armiyasi kuchlari "tomonlarni ajratish" uchun hududga yuborilgan. Harbiylar olomonni tarqatish uchun turli vositalardan foydalangan.
Izoh (0)