Shahzoda Garri va uning rafiqasi Megan Markl Netflix striming xizmati bilan hamkorlikda Britaniya qirollik oilasi saroyidagi hayotiga bag‘ishlangan yangi badiiy film suratga olish uchun muzokaralar olib bormoqda.
.jpg)
Nashrning yozishicha, Sasseks gersogi va gersoginyasi Netflix tomonidan oldingi hujjatli film uchun to‘langan gonorardan mamnun bo‘lgan va shuning uchun striming platformasi bilan hamkorlikni davom ettirmoqchi. O‘z navbatida, Netflix ham juftlikning qirollik saroyidagi hayoti haqidagi yangi “achchiq tafsilotlar” bilan qiziqadi.
Netflix’da xabar berilganidek, Garri va Megan haqidagi yangi film shahzoda Endryuning BBC jurnalisti Emili Meytlis bilan qayg‘uli intervyusi haqidagi badiiy filmdan ilhomlanib yaratiladi. Film 2024-yilda ekranlarga chiqadi.
Ma’lum bo‘lishicha, Garri va Megan suratga olish jarayonlaridan oldin jamoatchilik film haqidagi yangiliklarni qanday qabul qilishini ko‘rishni xohlaydi. Shu bilan birga, juftlik hali ham saroyda sodir bo‘lgan voqealar haqida katta ekranda namoyish etiladigan hikoya borligiga ishonadi. Chunki ba’zi nyuanslar hujjatli film va Garrining kitobida oshkor etilmagan.
2022-yilning oxirida Netflix stiriming xizmati Garri, Megan, ularning do‘stlari va Britaniya tarixi bo‘yicha mutaxassislar bilan suhbatlar asosida olti epizodli serialni efirga uzatdi. Tomoshabinlar bu loyihani turlicha qabul qildi.
Izoh (0)