Kanada xokkey bo‘yicha jahon chempioniga aylandi va Rossiyaning rekordini yangiladi. AQSH esa medalsiz qoldi

Finlyandiya va Latviya mezbonligida o‘tgan xokkey bo‘yicha Jahon chempionati yakunlandi.

Finalda Kanada terma jamoasi Germaniya ustidan g‘alaba qozonib (5:2), o‘z tarixida 28-marta chempionga aylandi.

28 ta oltin medal — bu Jahon chempionati rekordi hisoblanadi. Kanadaliklar bu borada Rossiya / SSSRni (27) ortda qoldirdi.

Uchinchi o‘rin uchun kechgan bahsda Latviya termasi AQSH ustidan sensatsion g‘alabaga erishdi (4:3).

Qayd etish kerak, avvaliga musobaqa Rossiyaning Sankt-Peterburg shahrida o‘tkazilishi reja qilingandi. Biroq Rossiyaning Ukrainadagi harbiy harakatlari bois mamlakatdan mezbonlik olib qo‘yilgandi.

Shuningdek, Ukrainaga hujum sabab 2022-yilning fevralida Rossiya va Belarus Xalqaro xokkey federatsiyasi (IIHF) a’zoligidan chiqarilgan va Jahon chempionatida ishtirok etish huquqidan mahrum bo‘lgandi.