Toshkent shahar IIBB poytaxtdagi OTMlardan biriga qarashli qizlar yotoqxonasi oldida axloqsiz xatti-harakatlarni sodir etgan erkak bo‘yicha ma’lumot berdi.
Ijtimoiy tarmoqlarda nomaʼlum erkak kishining jamiyatda yurish-turish qoidalarini buzgani aks etgan video tarqalib, turli muhokamalarga sabab bo‘lmoqda. “Nemolchi.uz” loyihasining yotoqxona qizlariga tayanib yozishicha, bu kabi holat birinchi marta kuzatilmayapti.
Idoraning ma’lum qilishicha, 24-may kuni taxminan soat 15:00 larda Uchtepa tumanida joylashgan oliygohlardan birining qizlar uchun mo‘ljallangan yotoqxonasi oldida, 1961-yilda tug‘ilgan Z.E. jamiyatda yurish-turish qoidalarini qasddan mensimasdan mayda bezorilik sodir etgan. Ko‘rilgan chora-tadbirlar natijasida ushbu fuqaro ichki ishlar organlari xodimlari tomonidan ushlangan.
Mazkur holat yuzasidan Uchtepa tumani IIO FMB tomonidan fuqaro Z.E.ga nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) bilan maʼmuriy bayonnoma rasmiylashtirilgan hamda Jinoyat ishlari bo‘yicha Uchtepa tuman sudi tomonidan unga nisbatan 15 sutka maʼmuriy qamoq jazosi tayinlangan.
Bundan oldin Toshkent viloyati Yangiyo‘l tumanida yashovchi 19 yoshli yigit 10 kun davomida voyaga yetmagan qizni bo‘sh uyda saqlab, uni o‘zi bilan jinsiy aloqa qilishga majburlab kelgani ma’lum bo‘lgandi. Yigit butun jarayonni videotasvirga olgan va keyinroq qizni o‘zi bilan yana yotishi uchun shantaj qilib kelgan.
Izoh (0)