Fransiyada dunyodagi birinchi to‘liq yog‘ochdan yasalgan avtomobil taqdim etildi. Bu 1955-yilda ishlab chiqarilgan Citroen 2CV’ga o‘xshash qo‘lda tayyorlangan mashina hisoblanadi. Mashinani yaratishda bir nechta turdagi yog‘ochdan foydalanilgan, deb yozmoqda “Korrespondent.net” nashri.
Mashina muallifi duradgor Mishel Robilyar bo‘lgan. Ta’mirlash ishlari 2011-yilda boshlangan va besh yil davom etgan. Ushbu loyihaga 5 000 soat sarflangan.
Avtomobil 1969-yilda Citroen Dyane shassisida qurilgan. U 28 ot kuchiga ega standart ikki silindrli Citroen 2CV dvigateliga ega.
Kuzov nok va olma, eshik va bagaj qopqog‘i gilosdan, qanotlari esa yong‘oq daraxtidan qilingan. Rul, old panel va o‘rindiqlar qarag‘ay daraxtidan yasalgan, o‘rindiqlar mato bilan bezatilgan.
Qizig‘i shundaki, mashina to‘liq ishlashga moslashtirilgan, ro‘yxatdan o‘tgan va sug‘urtalangan. Mashinani yasagan usta o‘z ishini 162–216 ming dollarga sotishga qaror qildi.
Izoh (0)