Chevrolet Onix va Tracker’ning yangilangan komplektatsiyalari narxi e’lon qilindi

UzAuto Motors 25-maydan Tracker va Onix avtomobil modellarining yangilangan komplektatsiyalari uchun shartnoma berishni boshladi. Bu haqda kompaniya matbuot xizmati xabar berdi. Shu bilan birga, shartnoma uchun ochiq bo‘lgan avvalgi komplektatsiyalarning narxi o‘zgarishsiz qolgan.

25-maydan boshlab quyidagi modellarga shartnoma rasmiylashtirish mumkin:

Chevrolet Tracker (avvalgi komplektatsiyalar):

• LS — 211 454 880 so‘m;
• LTZ — 231 196 000 so‘m;
• Premiyer — 251 142 080 so‘m.

Qo‘shimcha opsiyalarga ega yangilangan komplektatsiyalar:

• LS Plus — 223 824 160 so‘m;
• LTZ Plus — 246 981 280 so‘m;
• Premiyer Plus — 276 016 160 so‘m;
• Redline — 285 834 080 so‘m.

Chevrolet Onix (avvalgi komplektatsiyalar):

• Premiyer 1 — 207 347 000 so‘m;
• Premiyer 2 — 214 748 000 so‘m.

Qo‘shimcha opsiyalarga ega yangilangan komplektatsiyalar:

• Premiyer 2 Plus — 221 640 160 so‘m;
• Redline — 230 624 800 so‘m.

Qayd etilishicha, Chevrolet Tracker va Onix avtomobillarining barchaga tanish komplektatsiyalarida bo‘lgan jamiyki asosiy opsiyalariga qo‘shimcha ravishda, Plus komplektatsiyasi barcha “Isitish tizimi” opsiyalari bilan, jumladan, rul, old va orqa o‘rindiqlar (orqa suyanish joyi bilan) yon oynalar, old labovoy oyna isitish tizimi opsiyalari bilan, shuningdek, qoraytirilgan orqa va orqa yon oynalar, dvigatel himoya karteri va qo‘shimcha qulay opsiyalar bilan jihozlanadi.

“Chevrolet Tracker va Onix avtomobillarining taniqli Redline komplektatsiyasi ham xuddi avvalgilaridek, o‘ziga xos dizayni va qizil chiziqlari bilan ajralib turadi”, — deyiladi xabarda.

UzAuto Motors may oyi boshida Chevrolet Onix va Tracker avtomobillari sotuvini to‘xtatgandi. Kompaniya 2022-yilda hamyonbop modellardan Spark, Nexia, Cobalt va Lacetti avtomobillari sotuvini to‘xtatib, Onix va Tracker uchun shartnomalar tuzishni boshlagan. Biroq 2023-yil may oyi boshidan narxi 207 million so‘mlik Onix va 211 million so‘mlik Tracker sotuvi to‘xtab qolgan.