“Tolibon”ni Pokiston va Markaziy Osiyo bilan xalifalik tuzishga undashmoqda

Harakati taqiqlangan “Hizb ut-Tahrir” ekstremistik tashkilotining afg‘on bo‘limi “Tolibon”ni Pokiston va Markaziy Osiyo bilan xalifalik tuzishga undamoqda. Bu haqda Sputnik Afg‘oniston xabar berdi.

Bunga Pentagon hisoboti sabab bo‘lgan, unda AQSHning Afg‘onistondagi razvedka inqirozi haqida so‘z yuritilgan va undan chiqish yo‘li havo kuzatuvini kuchaytirish orqali yerda agentlar sonini oshirish keltirib o‘tiladi.

Terrorchilar xulosasiga ko‘ra, Pokiston va Markaziy Osiyo davlatlarining qo‘llab-quvvatlashi asosida Vashington ularning havo hududidan dron uchirishga ruxsat olgan holda Afg‘oniston havo hududida o‘z mavjudligini kuchaytirish niyatida.

Bu AQSHga “Al-Qoida” rahbari Ayman al-Zavahiriy bilan bo‘lgani kabi terrorchilarni yo‘q qilish uchun yo‘l ochadi.

“Bu davlatlarning hukumatlari musulmonlarga sotqin va ’Tolibon’ hokimiyati xavfsizligiga tahdid. Ularni qo‘lga olib, yagona xalifalik yaratish orqali bu tahdidni bartaraf etish taklif qilinadi”, — deyiladi ekstremistik tashkilot bayonotida.