Jahon sog‘liqni saqlash tashkiloti (JSST) rahbari Tedros Gebreyesus 2022-yil avgustida maymunchechak avj olgani sababli joriy etilgan favqulodda holatni bekor qildi.
“Favqulodda vaziyatlar qo‘mitasi kecha o‘zining beshinchi yig‘ilishini o‘tkazdi va menga xalqaro ahamiyatga molik sog‘liqni saqlash bo‘yicha favqulodda holat tugatilganligini eʼlon qilishni tavsiya qildi. Men bu tavsiyaga rozi bo‘ldim. Men maymunchechak endi global favqulodda holat emasligini eʼlon qilaman”, — dedi janob Gebreyesus brifingda.
JSST veb-saytiga ko‘ra, 2022-yil may oyiga kelib, 110 ta mamlakatda 87 000 ta maymunchechak infektsiyasi bilan kasallanish va 112 ta o‘lim holati qayd etilgan.
JSST 2022-yilning iyul oyida maymunchechak epidemiyasi sababli favqulodda holat e’lon qilgandi. O‘tgan yilning oktabr oyida JSST rahbari maymunchechak kasalligi kamayganini ma’lum qilgan.
JSST maymunchechakdan o‘lim darajasini 3-6 foiz deb baholadi.
Izoh (0)