O‘zbekiston va Indoneziya o‘rtasida muntazam aviaqatnovlar tiklandi

Uzbekistan Airways 26-apreldan boshlab O‘zbekiston va Indoneziya o‘rtasida muntazam aviaqatnovlarni yo‘lga qo‘ydi.

Aviakompaniya xabariga ko‘ra, Toshkent—Jakarta—Toshkent yo‘nalishi bo‘yicha parvozlar chorshanba kunlari Boeing 787 Dreamliner samolyotlarida amalga oshiriladi:

• HY-541 Toshkent 09:00 — Jakarta 19:30
• HY-542 Jakarta 21:00 — Toshkent 03:30 (payshanba)

Qayd etilishicha, aviqatnovlar uch yillik tanaffusdan so‘ng tiklandi. Jakartadan Indoneziyaning Bali oroliga qulay tutashuv reyslari mavjud.

O‘zbekiston fuqarolari Indoneziyaga 30 kungacha vizasiz borishlari mumkin.