Gollivud yulduzi Kris Xemsvort Alsgeymer kasalligi xavfi tufayli filmlarda suratga tushishni kamaytirdi

Avstraliyalik aktyor Kris Xemsvort filmlarda suratga tushishini kamaytirdi, chunki uning Alsgeymer kasalligiga chalinish xavfi juda yuqori, deb xabar bermoqda “Korrespondent.net” nashri.

Shu bilan birga, insayderlarning xabar berishicha, uning ish jadvali yaqin kelajakda bo‘sh bo‘ladi. Aktyor yaqin orada to‘rtta loyihada suratga tushishi, jumladan, “Qasoskorlar” filmidagi o‘zining Tor qahramoniga qaytishi va Halk Xoganning nomi e’lon qilinmagan biografik filmida ishtirok etishi kerak. Biroq bu loyihalardan so‘ng suratga olish jarayonlaridan tanaffus qilishni rejalashtirmoqda.

Kris Xemsvort “nafaqaga chiqish haqida hech narsa gapirmayotgan” bo‘lsa-da, insayderlar uning shu yo‘nalishga qarab ketayotganini aytgan.

“Shartnomamni bajardim. Uyga borib, ta’tilni yaxshi o‘tkazishni va shunchaki dam olishni rejalashtiryapman. Farzandlarim, rafiqam bilan birga bo‘laman”, — deydi aktyor.