Bugun,

  • USD 11095.31
  • RUB 173.84
  • EUR 10772.44

Farg‘ona viloyati Rishton tumanida joylashgan markaziy istirohat bog‘idagi attraksiondan 17 yoshli qiz tushib ketgani haqida xabar berilgandi. Hozirda qizning sog‘lig‘i qandayligi haqida maʼlumot berildi

2005-yilda tug‘ilgan N.O. 23-mart kuni tuman markaziy istirohat bog‘idagi “Piratskiy korabl” nomli attraksionda uchayotib, ehtiyotsizlik oqibatida tushib ketib, tan jarohati olgan hamda shu kuni soat 11:00 da tuman tibbiyot birlashmasining qabul bo‘limiga olib kelingan. Tekshiruv natijalari bosh miya episxeti, bosh miyaga oz miqdorda qon quyilish, ikkinchi bo‘yin umurtqasining tanasida sinish, qovurg‘alarida siniq aniqlangan. O‘pkadan lat yeyish bilan bo‘limga yotqizilgan. Hozirgi kunda holati og‘ir-stabil. 

Shuningdek, attraksion xodimi bo‘lgan voqea haqida aytib berib, qizga xavfsizlik qoidalari dastlab tushuntirilganini taʼkidladi. 

“U qiz bir o‘zi shu joyda uchgan. Attraksion to‘xtayotganda ehtiyotsizlik oqibatida tirkamani ochib yuborgan. Tirkamalar o‘z-oʼzidan ochilmaydi. Bu qizga ham o‘sha kuni tushuntirdik. O‘tirib olgan holatda uchishini, to‘xtamasidan tushmasligini aytdik”, — deydi xodim.

Avvalroq Buxoro shahrida joylashgan istirohat bog‘ida er-xotin va ularning farzandi attraksiondan yiqilgani to‘g‘risida xabar berilgandi. “Kontexnazorat”ning ma’lum qilishicha, ushbu attraksiondan foydalanish taqiqlangan bo‘lgan.

Mavzuga doir
Izoh
Asosiy yangiliklar
Kino
Sezmagansiz ham: Film voqealaridagi mantiqqa to‘g‘ri kelmaydigan qo‘pol xatolar (foto) 
Mahalliy
Qatar amiri davlat tashrifi bilan O‘zbekistonga keldi (foto)
Karyera
Hokimiyat ularning qo‘llarida: Butun dunyoni boshqaradigan beshta oila (foto)