Bugun,

  • USD 11095.31
  • RUB 173.84
  • EUR 10772.44

O‘zbekistonda 2023-yil davomida oyliklar va pensiyalarni ikki marotaba oshirishga qaror qilingan. Bu haqda “Daryo”ga Prognozlashtirish va makroiqtisodiy tadqiqotlar instituti (PMTI) direktori Umid Obidxo‘jayev ma’lum qildi.

Foto: “Daryo”

Uning so‘zlariga ko‘ra, 2023-yil uchun tasdiqlangan davlat budjeti parametrlarida pensiyalarni 1-iyundan 12 foizga, ish haqini 1-oktabrdan 10 foizga bir marotaba oshirish maqsadida 6,7 trln so‘m ajratilishi ko‘zda tutilgan edi.

Jahon bozorida oltin va mis narxining prognozga nisbatan yuqori bo‘lishi (qo‘shimcha 4,5 trln so‘m) hamda bojxona tushumlarining oshishi (qo‘shimcha 3 trln so‘m) hisobiga, Davlat budjeti parametrlarida ko‘zda tutilganiga nisbatan, ish haqi, pensiya va nafaqalarni qo‘shimcha yana bir marotaba oshirishga qaror qilingan.

Avvalroq 1-apreldan pensiya va nafaqalar, 1-maydan esa oyliklar 7 foizga oshishi (bunda budjetning qo‘shimcha xarajatlari 2,2 trln so‘mni tashkil qiladi) haqida xabar berilgan edi

Pensiya, nafaqa va davlat sektori xodimlarining maoshlari 1-sentabrdan yana 10 foizga (qo‘shimcha 5,6 trln so‘m) oshirishi rejalashtirilmoqda. 

Shu tariqa, O‘zbekistonda budjet tashkilotlarida ishlovchi xodimlarning maoshi 2023-yilda umumiy 17,7 foizga oshishi kutilmoqda. 

Markaziy bank prognoziga ko‘ra, 2023-yilda yillik inflyatsiya maksimum 9,5 foiz darajasida bo‘lsa, budjet xodimlarining real maoshi yil davomida 8,2 foizga oshadi. Bu esa so‘nggi yillarda kuzatilgan O‘zbekistondagi eng yuqori ko‘rsatkichdir. 

Ma’lum bo‘lishicha, bu tadbirlardan 6,5 mln fuqaro manfaat ko‘radi. Ular orasida 4,4 mln nafar pensiya va nafaqa oluvchilar hamda 2,1 mln nafar ishchilar bor. 

Izoh
Asosiy yangiliklar
Kino
Sezmagansiz ham: Film voqealaridagi mantiqqa to‘g‘ri kelmaydigan qo‘pol xatolar (foto) 
Mahalliy
Qatar amiri davlat tashrifi bilan O‘zbekistonga keldi (foto)
Karyera
Hokimiyat ularning qo‘llarida: Butun dunyoni boshqaradigan beshta oila (foto)