Buxoro shahrida Damas rusumli transport vositasi yo‘l chetida to‘xtab turgan Howo yuk mashinasining orqasiga kelib urilib, yo‘l-transport hodisasini sodir etdi. Buxoro viloyati IIB holat bo‘yicha ma’lumot berdi.
Qayd etilishicha, 30-mart kuni taxminan soat 13:30 larda Buxoro tumani “So‘fikorgar” mahallasi “Choruq” qishlog‘i hududidan o‘tuvchi davlat ahamiyatiga ega bo‘lgan 4R-68 avtomobil yo‘lining 5-kilometrida yo‘lning chetgi qismi (asfalt qoplamasidan tashqarida) yo‘l marzasida to‘xtab turgan Howo rusumli yuk transport vositasining orqasiga Damas kelib urilgan.
Mazkur YTH Buxoro tuman IIB JXX YHXB xodimlari tomonidan tezda o‘rganilgan. Aniqlanishicha, yo‘l-transport hodisasi natijasida hech kim og‘ir tan jarohati olmagan, faqat transport vositalariga shikast yetgan.
Hozirda holat yuzasidan tergovga qadar tekshiruvharakatlari davom ettirilmoqda.
Avvalroq Andijonda 6 nafar fuqaroning o‘limiga sabab bo‘lgan YTH ortidan yo‘l qurilish tashkiloti rahbariga jinoyat ishi qo‘zg‘atilib, ish sudga yuborilgani to‘g‘risida xabar berilgandi.
Izoh (0)