“Qizilqum Fosforit kompleksini xususiylashtirish jarayoni boshlandi. Bu haqda Davlat aktivlarini boshqarish agentligi xabar bermoqda.
Ma’lum bo‘lishicha, Davlat kompaniya ustav kapitalidagi 100 foiz ulushini sotmoqchi. Davaktiv xususiylashtirish uchun maslahatchi sifatida Orion Capital Group’ni tanlagan.
Kompaniyani sotib olishga qiziqish bildirganlar arizalarni 2023-yil 5-may 18:00ga qadar quyidagi elektron pochta manzillariga yuborishlari lozim: abdikali@ocapr.com va office@ocapr.com
Talabgorlardan quyidagi maʼlumotlarni o‘z ichiga olgan sotib olish bo‘yicha qiziqish bildirish to‘g‘risidagi arizalarini (Express of interest) taqdim etishlari so‘raladi:
- Ishtirokchi to‘g‘risida qisqacha maʼlumot (shu jumladan, STIR va faoliyat turi);
- Ishtirokchi ustav kapitalida 5 foizdan ortiq ulushi mavjud aksiyadorlar/taʼsischilar (egalik ulushi ko‘rsatilgan holda) va yakuniy benefitsiarlar to‘g‘risida maʼlumotlar;
- Moliyaviy hisobot (oxirgi 3 yilgi faoliyati bo‘yicha)
Qizilqum Fosforit kompleksi o‘zi qanday kompaniya?
Qizilqum Fosforit Kompleksi – fosforit konsentrati va fosfor uni ishlab chiqaruvchi korxona hisoblanadi.
Fosforit konsentrati ishlab chiqarish sexi 1998-yilda tashkil etilgan bo‘lib, Jeroy-Sardarin koni (Toshqo‘ra rudnigi) negizida flyurapatit turidagi donali fosforit rudasini qayta ishlab, boyitishga mo‘ljallangan.
Navoiy viloyati Konimex tumanida joylashgan kompaniyaning ishlab chiqarish quvvati yiliga 716 ming tonnani tashkil qiladi.
Izoh (0)